zaldilasterketak.eus

Archives

Berdinketa

Bi zaldi batera iristen direnean eta foto-finisharekin ere ezberdindu ezin direnean. Oso-oso gutxitan ematen da. Egungo argazki digitalek ñabardura txikiena ere islatzen baitute. (Esp: Empate; Fr: Dead-heat; Eng: Dead-heat)

Betaurreko

Zaldiak aldeetara begira ez dezan jartzen zaizkion "betaurrekoak". Estalki batzuk ditu alboetan zaldiaren ikusmen-eremua limitatzeko. Zaldiak jazten dituenean, programetan (5) zenbakia azalduko da bere izenaren ondoan. (Esp: Anteojera o blinkers/Fr: […]

Biki

Apustu mota bat, lasterketa batean lehengo bi zaldiak asmatzea helburu duena. Bikia ordenean: lehenengo bien ordena asmatu behar denean (6 zaldi baino gutxiago korritzen dutenean). (Esp: Gemela; Fr: Couplé; Eng: […]

Bisore

Bisore: Betaurrekoak (ikus. betaurreko) bezalako tramankulua, baina honek estalkietan zuloak dauzka argia igaro dadin. Zaldiak jazten dituenean, programetan (6) zenbakia azalduko da bere izenaren ondoan.(Esp: Visor/Fr: /Eng: Visor).

Box

Zaldiaren egoitza, atseden hartu eta bertan elikatzen da. Leiho bat dago kanpoan gertatzen ari dena ikusteko. (Esp: Box; Fr: Box; Eng: Box)

Brida

Zaldiak gobernatzeko buruan jartzen zaizkien uhalek eta ahokoak osatutako multzoa da. (Esp: Brida; Fr: Bride; Eng: Bridle)

Buru

Helmugan bi zaldien arteko distantzia kalkulatzeko neurria. Lepo bat baino gutxiago, baian mutur bat baino gehiago. (Esp: Cabeza; Fr: Tête; Eng: Head)

Canter

Lauhazka lasaia. Adibidez, zaldia paddocketik irteerarantz doanean, berotze lanak eginez. (Esp: Canter/Fr: Canter/Eng: Canter)

Debutari

Aurreneko aldiz karrera ofizial batean parte hartzera doan zaldia. (Esp: Debutante; Fr: Inédit; Eng: Debutant)

Denboraldia

Lasterketa jardunaldiak jokatzen diren garaia. Zubietan udan izaten da denboraldia, ekainetik irailera. (Esp: Temporada; Fr: Meeting; Eng: Meeting)

Deskalifikatu

Lasterketan irregulartasunen bat egon bada eta erreklamazioaren izapideak egin ondoren, komisarioek zaldi bat sailkapenean atzera botatzea. (Esp: Distanciar; Fr: Distancer, disqualifier; Eng: To demote)

Deskargua

Zaldiak eraman behar duen pisuaren arintzea. Deskargua izan daiteke jockeya amateurra delako. (Esp: Descargo; Fr: Decharge; Eng: Allowance)

Dirt / Hondar

Hondarrezko edo material sintetikozko pista. Ameriketan oso ohikoak dira pista hauek. Europan aldiz, arruntagoak dira belarrezkoak. (Esp: Dirt; Fr: Dirt; Eng: Dirt)

Distantziaz kanpo

Zaldi bat bere ezaugarrietarako egokia ez den distantzia batean korritzen duenean esaten da. Alegia, distantzia horretan aukerarik ez duela esateko erabiltzen da. (Esp: Fuera de distancia; Eng: Out of distance)

Dopatu

Zaldiaren errendimendua hobetzeko, arauz-kanpoko sustantziak ematea. Lasterketa bakoitzaren ondoren dopingaren kontrako analisiak egiten dira. (Esp: Dopar; Fr: Doper; Eng: To dope)

Eme

Zaldiaren sexua. Baldintzadun lasterketetan emeek arrek baino pisu gutxiago eramaten dute. (Esp: Hembra; Fr: Femelle; Eng: Female)

Entrenatzaile

Zaldiak entrenatzen dituen profesionala. (Esp: Entrenador; Fr: Entraîneur; Eng: Trainer)

Erreia

Pistaren zabaleroan irudika daitezkeen lerroak. Erasoa aurkezteko erreia egokia aukeratzea oso garrantzitsua da. Lurraren egoeraren arabera jockeyak baldintza onenetan dauden erreiak aukeratzen dituzte. (Esp: Carril; Fr: Voie; Eng: Rail)

Erreklamazioa

Lasterketetan araudiz kanpoko jokabiderik egon bada erreklamazio bat aurkezten da. Komisarioek beraiek ofizioz aurkez dezakete edo parte hartu duen jockey batek. Bideoa ikusi eta protagonisten bertsioak entzun ondoren, komisarioek erabakitzen […]

Scroll to top